Üçüncüsü keçiriləcək olan Türkçülük Çalışmalarının tarixi və yerinin təyin olunması münasibəti ilə bütün Türkçülərə gözünüz aydın deyir və simpoziumda iştirak edəcək olanlara uğurlar diləyirik.
Üçüncü Türkçülük Çalışmaları 3 Dekabr 2024-cü il tarixində Xəzər Universiteti ilə birgə təşkil ediləcəkdir.
Simpozium Xəzər Üniversitetinin Məhsəti 41 ünvanında, “Mərmər” salonda, 10:00-17:00 saat aralığında davam edəcəkdir.
Milli tariximiz və tarixçilik məsələləri ilə maraqlanan hər kəs sempozyumda dinləyici olaraq iştirak edə və mözvular ətrafında suallar səsləndirə bilərlər.
Üçüncü Türkçülük Çalışmalarının (ÜTÇ) mövzusu konkretdir – keçmiş tariximiz və indiki tarixçiliyimiz. Buna uyğun olaraq
Üçüncü Türkçülük Çalışmalarında;
-
Sovet dönəmi rəsmi tarixçiliyin özəllikləri;
-
Yeni milli tarixçiliyin prinsipləri;
-
İran rəsmi tarixçiliyi və Türklük;
-
Ortaq Türk tarixi; ortaq Türk tarixində Azərbaycanın yeri;
müzakirə mövzuları olaraq seçilmişdir.
Tarixdəki qəhrəmanlar və millət qurucuları mövzularına girilməyəcək; bu mövzular gələcək çalışmalarda özəl olaraq ələ alınacaq.
Simpoziumun ilk bölümündə 6 məruzə dinlənib, müzakirə ediləcək. İkinci hissədə çıxışlara yer veriləcəkdir. Tarixçiliyin indiki durumu haqqında sözü və konseptual fikri olanların da qısa çıxışları nəzərdə tutulur.
Bundan başqa vurğuladığımız mövzular çərçivəsində təqdim edilən orijinal elmi məqalələr (Chikago Manual of Style formatında) Türkçülük Çalışmaları toplusunda çap üçün qəbul edilə bilər.
Qeyd edilən mövzularla bağlı araşdırmalarınızı [email protected] adresinə göndərə bilərsiniz.
