Türkçü Düşüncə Birliyi olaraq təşkil etdiyimiz Türkçülük çalışmalarının ikincisini yayımlamaqdan böyük sevinc duyuruq. Türkçülük çalışmaları kitabları, düşüncə həyatımızda silsilə şəklində Türkçülük küliyyatının yaradılmasına səbəb olacaqdır.
Salman Mümtaz Yayımları 28 məqalədən ibarət “İkinci Türkçülük Çalışmaları: Dil Məsələlərimiz” kitabını düşüncə həyatına ərməğan etdi.
İkinci Türkçülük Çalışmalarının bir sonucu olaraq deyə bilərik ki, Quzey Azərbaycanda dilimizin indiki statusu az istisnalarla heç vaxt bu qədər yüksək olmamışdır. Bununla belə Azərbaycan Respublikasının özündə, özəlliklə Güney Azərbaycanda dil sahəsində həssas problemlər qalmaqdadır. Bu problemlər dilimizin rəsmi adında, onun istifadə sahəsinin məhdud olmasında, yazı qaydaları və əlifbada, terminlər məsələsində, yad sözlərin dilimizi doldurmasında, adlarımız və soyadlarımızdakı qeyri-milli durumda, təhsil sistemində, medianın, internetin, reklamın dilində, qanunlar və digər rəsmi sənədlərin dilində, eləcə də Türk Dünyasında ortaq ünsiyyət vasitəsinin olmamasında özünü göstərir.
Çalışmaların üçüncüsü üçün yola çıxdıq.
